Նոռա Բադալյանը, Սուսաննա Բաղդասարյան-Ֆլեյսը, Ռոբերտ Հակոբյանը, Կարինե Ջանջուղազյանը, Արթուր Կարապետյանը, Ագնեսսա Շահնազարյանը, Արմեն Սարգսյանը, Արիկ Ասատուրյանը և Հայկ Պետրոյսանը անվանական հրավերներ են ստացել՝ մասնակցելու տարբեր երկրներում անցկացվող հեղինակավոր փառատոների: Հաջողություն ենք մաղթում նրանց:

Հիշեցնենք, որ այս տարի «Արմմոնո» 14-րդ միջազգային թատերական փառատոնն անցկացվել է ՀՀ Առաջին տիկին Ռիտա Սարգսյանի հովանու ներքո, ՀՀ մշակույթի նախարարության և Հայաստանի թատերական գործիչների միության աջակցությամբ՝ ս/թ ապրիլի 29-ից մայիսի 3-ը (60 մասնակից և հյուրեր, 10 երկիր, 26 մոնոներկայացում, 5 բեմահարթակ: Նոր և սպասված խորագրեր՝ «Արմմոնո-Տրիումֆ», «Արմմոնո-Դեբյուտ», «Մեկ հեղինակի թատրոն», ինչպես նաև հատուկ ծրագիր՝ նվիրված Հայաստանի Հանրապետության անկախության 25-ամյակին):